بلوچستان کے علاقے سنجاوی میں زمین کے تنازعہ پر فائرنگ کے نتیجے میں ایک شخص ھلاک جبکہ دوافراد زخمی ہوگئے ۔اطلاعات کے مطابق گزشتہ روز سنجاوی میں زمین کی تنازع پر مسلح تصادم کے دوران فائرنگ سے ایک شخص ھلاک جبکہ 2 افراد زخمی ہوگئے ،فائرنگ سے ھلاک اور زخمیوں ہونے والوں کو سول ہسپتال سنجاوی منتقل کردیاگیاہے۔
حب وندر کے قریب شال کراچی شاہراہ پر ڈام سے وندر آنے والی تیز رفتار مسافر بردار کوسٹر اور ٹرالر میں خوفناک تصادم ہوا جس کے نتیجے میں ایک خاتون سمیت 3افراد موقع پر ھلاک جبکہ مرد خواتین اور بچوں سمیت10سے زائد افرادزخمی ہوگئے نعشوں اور زخمیوں کو RHCوندر منتقل کردیا گیا ۔
علاوہ ازیں تربت دشت میں ٹریفک حادثے میں
عیسیٰ ولد بشیر نامی شخص ھلاک جبکہ کار ڈرائیور وسیم ولد جان محمد، پریاتون زوجہ حاجی رحیم بخش، گلشن زوجہ وسیم، زینب بنت وسیم اور زینب بنت دلاور زخمی ہو گئیں۔
پولیس ذرائع کے مطابق مذکورہ کار گاڑی دشت جارہی تھی کہ پیچھے سے انہیں ایک گاڑی نے ٹکر مار دی ہے۔