دمشق : امریکی عہدیدار نے نام ظاہر نہ کرنے کی شرط پر بتایا کہ حلب کے علاقے میں امریکی ڈرون نے موٹر سائیکل پر سوار اسامہ المہاجر کو میزائل حملے میں نشانہ بنایا اور ہلاک کردیا۔ حکام کا کہنا تھا کہ حملے کے وقت اسامہ المہاجر شمال مغربی شام میں تھے لیکن وہ عام طور پر جنگ زدہ ملک کے مشرقی علاقے میں ہوتے تھے۔ فوری طور پر یہ واضح نہیں ہوا کہ امریکی فوج نے اسامہ المہاجر کی شناخت اور ہلاکت کی کیسے کی تصدیق کی ہے۔
امریکی محکمہ دفاع پینٹاگون نے تصدیق کی ہے کہ شام میں ڈرون حملے میں داعش کا ایک لیڈر ہلاک ہوگیا۔
امریکا کے ایک دفاعی عہدیدار نے بتایا کہ جمعہ کو تین ریپر ڈرونز عسکریت پسندوں کی تلاش میں پرواز کررہے تھے جب انہیں روسی طیاروں نے قریباً دو گھنٹے تک ہراساں کیا۔