بلوچستان کے ضلع جھل مگسی میں فائرنگ کے دومختلف واقعات میں ایک شخص ھلاک جبکہ خاتون سمیت دو افراد زخمی ہوگئے ۔ لیویز ذرائع کے مطابق گنداواہ کے علاقہ گاجان مٹ میں فائرنگ سے ثنااللہ نامی ایک شخص ھلاک قتل ہوا ہے، واقر بعد ملزمان فرار ہونے میں کامیاب ہوئے ہیں ، جھگڑے کی وجہ پرانی دشمنی بتائی جارہی ہے ۔
دسری جانب جھل مگسی کے سب تحصیل میر پور کے علاقے موضع کرمانی میں زمین کے تنازعہ پر مسلح افراد نے امداد حسین جویا نامی شخص کے گھر پر فارنگ، کرکے خیر النساء نامی خاتون کو زخمی کردیا جبکہ جوابی فائرنگ میں ایک حملہ آور نصرااللہ نامی شخص شدید زخمی ہوا ۔
دونوں زخمیوں کو گنداواہ ہسپتال منتقل کردیا گیا ہے۔
واقعہ کے بعد لیویز فورس موقع پر پہنچ گئی مذید تفتیش لیویز گنداواہ کر رہی ہے۔
دریں اثناء سندھ کندھ کوٹ بخشاپور تھانہ کی حدود رانو انڈس ہائی وے کے مقام پر ڈاکوئوں نے لوٹ مار کے دوران مسافر گاڑیوں پر فائرنگ کی جس کے نتیجے میں ایک کار سوار ھلاک اور چار افراد زخمی ہوگئے۔
زخمیوں میں مزدا کا ڈرائیور رفیق احمد بھی شامل ہے۔واقعہ کی اطلاع ملنے پر پولیس جائے وقوع پر پہنچ کر نعش اور زخمیوں کو سول ہسپتا ل منتقل کردیا جبکہ دو زخمیوں کی حالت نازک ہونے پر سکھر بھیج دیا گیا۔