تفصیلات کے مطابق گلگت بلتستان کے ضلع گانچھے میں 6 بچے تیز رفتار گاڑی کی زد میں آگئے جن میں سے 3 بچے ہلاک اور تین زخمی ہوگئے۔
پولیس کےمطابق واقعہ براہ گاؤں کے قریب پیش آیا جہاں 6 راہ گیر بچے تیز رفتار گاڑی کی زد میں آگئے۔
حادثے کا شکار بچوں کی عمریں9 سے 11سال کے درمیان ہیں۔
پولیس کا کہنا ہےکہ گاڑی کے ڈرائیور کو گرفتار کرکے مقدمہ درج کرلیا گیا ہے۔
دوسری جانب صوبہ پنجاب کے علاقے لودھراں کہروڑپکا چوک پر میں آئل ٹینکر خانہ بدوشوں کی جھگیوں میں جاگھسا،جس سے8 افرادہلاک ہوگئے۔
پولیس کا کہنا ہے کہ نعشوں اور زخمیوں کو اسپتال منتقل کردیا گیا ہے ۔ جبکہ ڈرائیور کو گرفتار کرکے آئل ٹینکر کو تحویل میں لے لیاگیا ہے۔
ان کا کہنا ہے کہ خانہ بدوش آئل ٹینکر ڈرائیور کے خلاف قانونی کارروائی کرنا نہیں چاہتے تاہم حادثے کا مقدمہ سرکار کی مدعیت میں درج کرلیا گیاہے۔