دمشق: شام کے زلزلے میں تباہ ہونے والی عمارت کے ملبے میں دبی 10 سالہ بہن اپنی چھوٹی بہن کے سر کو زخمی ہونے سے بچانے کے لیے 17 گھنٹے تک ڈھال بنی رہی۔
دونوں بہنوں کو بحفاظت نکال لیا گیا جس کی ویڈیو وائرل ہوگئی ہے ۔
جس میں دیکھا جا سکتا ہے کہ ایک بچی اپنی چھوٹی بہن کے ساتھ ملبے میں دبی ہوئی ہے اور پتھروں کے بوجھ سے وہ ہل بھی نہیں پا رہی ہیں۔ وہ بچی اپنی چھوٹی بہن کے سر کو زخمی ہونے سے بچا رہی ہے اور اسے دلاسہ دے رہی ہیں۔
ترکیہ اور شام میں آنے والے خوفناک زلزلے میں تیسرے روز بھی ملبے سے نعشیں ملنے کا سلسلہ جاری ہے اور ھلاک افراد کی تعداد دس ہزار تک جا پہنچی ہے، وہیں ملبے سے معجزاتی طور پر زندہ نکالے جانے والے افراد کی تعداد میں بھی اضافہ ہو رہا ہے۔