بلوچ راجی راھشون ڈاکٹر اللہ نذر ماں چاگردی رسانکدر ٹویٹر ءَ وتی یک درشانی ءَ گْوشتگ کہ میان استمان ءُ اکوامتھدہ ءَ مئے اے گپانی سر ءَ بیسہ کنگی اِنت کہ پاکستانی آمیدگس لشکر ءِ دست ءَ اَنت۔پاکستان ءِ پیشگیں مزن وزیر اِمران ھان اے گپ یک مُچی ءَ گْوشتگ ءُ پاکستان ءِ انیگیں مزن وزیر شھباز شریپ یک پریس کانپرنس ئِے ءَ گوں اھوالکاراں گْوشتگ اَت کہ بیگواھیں بلوچانی بابت ءَ گوں لشکر ءَ گپ ءُ تران کناں۔ پاکستانی آمیدگسانی دزمانجنی پدر اِنت۔جاھے کہ نیزگاریں بلوچانی گپ بیت گڑا آمیدگس پھک بےتوار اَنت۔
ڈاکٹر آ نو شتگ کہ وھدے اسلام آباد یک مالدارے پولیس ءَ دزگیر کُرتگ گڑا جَج ءَ ٹیلی پون کُرتگ ءُ مردم ءِ یل کنگ ءِ پرمان داتگ۔جھان سرپد بہ بیت ءُ بلوچاں پہ اے بے سریں آمیدگسانی اوست ءَ یل مہ کنت۔
