کولواہ: گوستگیں روچ ءَ پاکستانی لشکر ءَ یک مردمے وتی لشکری بنجل ءَ لوٹاھینتگ ءُ بیگواہ کرتگ۔
اھوالکار ءِ رد ءَ بیگواہ بیتگیں مردم ءِ پجار بابیک ء روزی نام ءَ زانگ بیتگ، کولواہ جَت ءِ جھمنند اِنت۔ 29 اکتوبر ءِ لشکر کشی ءَ پاکستانی لشکر ءَ آئی دو چُک دزگیر کرتگ ءُ پد ءَ 31 اکتوبر ءَ یل داتگ اَنت۔ زھگانی پچار کارڈ داشتگ اَنت، زی 05 نومبر ءَ بابیک لوٹاھینتگ ءُ بیگواہ کرتگ۔
بنشون ءِ رد ءَ بیگواھیں بابیک ءِ چُک شوانگ اَنت ءُ کوھاں گوں وتی رمگ ءَ وانڈہ بیتگ اَنت۔ پاکستانی لشکر ءَ بابیک وتی تنزلہ ءَ بنگلہ ءِ بُنجل ءَ لوٹاھینتگ ءُ داشتگ۔
