بالگتر ءِ کوہ ءَ پاکستانی لشکر ءِ لشکر کشی برجاہ اِنت،تراک ءُ تیرگْواری توار اِش کنگ بیتگ*

بالگتر:پاکستانی لشکر کوھی دمگاں لشکر کشی کنگ ءَ اِنت،تراک ءُ تیر گْواریانی توار اِش کنگ بیتگ۔ اھوالکار ءِ رد ءَ پاکستانی لشکر دوشی مزنیں کچے ءَ بالگتر ءِ کوہ ءَ پُتِرتگ ءُ لشکرکشی بندات کُرتگ، دوشی ھم تراک ءُ تیرگْواریانی توار اِش کنگ بیتگ ءُ مرچی سُھب ءَ پد ءَ لشکر مزنیں کچے ءَ کوہ ءِ تہ ءَ شُتگ ءُ تراک ءُ تیرگْواری ءِ توار داں دیر ءَ برجاہ بیتگ۔ لشکر ءِ کمک ءَ جنگی بالگرد اتکگ اَنت۔ انگت دگہ جانی ءُ مالی تاوان ءِ ھال نیست پہ گیش ایں ھالاں مئے جُست پُرس برجاہ اَنت