بلوچستان کے ضلع مستونگ میں مسلح افراد کی فائرنگ سے ایک شخص ہلاک جبکہ چھ افراد زخمی ہوئے ہیں۔
تفصیلات کے مطابق مستونگ کے علاقے سنگر کراس کے مقام پر مسلح افراد نے فائرنگ کرکے ابابکی قبائل کے سربراہ سردارزادہ میر محمد خان ابابکی کو ہلاک کیا جبکہ فائرنگ کے واقعہ میں چھ افراد زخمی ہوئے ہیں۔
زخمی اور لاش کو نواب غوث بخش رئیسانی میموریل اسپتال منتقل کر دیا گیا تاہم واقعہ کے محرکات تاحال معلوم نہیں ہوسکے۔
