*دشت: کاشاپ ءَ لشکر ءَ ھپت مردم گیش آوار جتگ ءُ گوں وت برتگ اَنت*
کیچ ءِ دمگ دشت کاشاپ ءَ پاکستانی لشکر ءَ ھپت مردم ءَ گیش آوار جتگ ءُ گوں وت برتگ اَنت-
گیشیں ھالانی رِد ءَ مروچی دشت ءِ دمگ کاشاپ ءَ پاکستانی لشکر ءِ یک کاروانے چہ کیچ ءَ اَتکگ ءُ زوراکی کنان ءَ ھپت مردم ءَ گیش آوار جتگ ءُ گوں وت برتگ اَنت ئِے
آوار جنگ بوتگیں مردمانی پجّار پرویز ء امام بکش جھمنند کاشاپ، ھالد ء مجید جھمنند کاشاپ، تاھر ء مھمد سلیم جھمنند کاشاپ، دو مھمان ملا بشیر ھاجی گلام کادر ءُ جاوید ء اللہ بکش جھمنند دشت کروس تنک، نسیم ء ھاجی کریم بکش جھمنند جمک ءُ اسمائیل ء گلام ھُسین جھمنند جمک ناماں چہ بوتگ اَنت ءُ دگہ دو سے مردم ءِ پجّار انگت نہ بوتگ-
اِھوالکارانی رِد ءَ آوار جنگ بوتگیں مردم پاکستانی لشکر ءِ گاڑی تہ ءَ بوتگ اَنت ءُ آیانی چمّ بستگ بوتگ اَنت ءُ اشانی تہ ءَ گیشتر مردم لشکر ءَ راہ رواجُکی گپتگ اَنت-