*پنجگور: پاکستانی لشکر ءُ کشندہ ٹولی ءِ کارمنداں شھید کمبر ءُ شھید ناسر ءِ مانشانی کمشرپی کُرتگ*
سہ شمبے، 26 اکتوبر 2021 *
گْوستگیں ھپتگ ءَ پنجگور ءَ پاکستانی لشکر ءِ گون ءَ دیم پہ دیمی میڑے ءَ شھید بیتگیں بی ایل ایپ ءِ سرمچار شھید کمبر ءُ شھید ناسر ءِ مانشانی دوشی پاکستانی لشکر ءُ کشندہ ٹولی ءِ کارمنداں کمشرپی کُرتگ ءُ مانشانی سر ءَ جتگیں بیرک ھم گوں وت بُرتگ اَنت۔
یات بہ بہ اِت گْوستگیں روچ ءَ جنینانی مزنیں کچے شھیدانی مانشانی سر شُتگ ءُ ستک شانی ندر کُرتگ اَنت ءُ آیانی مانشانی سر ءَ بلوچستان ءِ بیرک مِک کُرتگ۔ دوشی پد ءَ پاکستانی لشکر ءُ کشندہ ٹولی ءِ کارمنداں شھیدانی مانشانی کمشرپی ءُ بیرک دور کُرتگ ءُ گوں وت بُرتگ اَنت۔ بلوچستان ءَ اے اولی وئیل نہ انت کہ پاکستانی لشکر ءَ شھیدانی مانشانی کمشرپی کُرتگ ایشی ءَ پیش آواران ، کیچ ءُ بلوچستان ءِ آدگہ دمگاں ھم مانشانی کمشرپی کُرتگ۔