بیگ انا وخت اس نازو و لمہ تہ پیشن مونغی آ تولوک اسور وا گپ كننگ اسور نازو نا لمہ نازو اے پاریکہ کہ کنا مسڑ اخس کہ نے آ سختی سوری برے زند اٹی مگہ دا خیال تِخس تینا گُد انا پلو نا رکھ ءِ کیس کہ کس چکنگ کپ تہ نازو اسے بہاز غیرتی ءُ گودی اس اسک او ہر وخت تينا لمہ آن ایلو غیرتی گودی تا کڑد کسہ آتا بابت ارفیکہ وا بنگ اکہ او تینٹ ام تینا جند اٹی اسے تُرندو(کُبینو) گودی اس اسک دا تُرندی ہونا حیا نا ترندی اس
تو ورندی ٹی پارے لمہ جان !
خدا امو دے ءِ اتپرو اگہ امونو دے اس بس تو نازو تینا ساہ ءِ ایتو مگہ گُد انا پلو ءِ چکنگ اللے پرو انداڑتو توار توار اس مس نازو نا لمہ پارے کاو پیشن چک اس خلیو خرابو توار اس کنا خفا تمنگ ءِ انت اسے نازو لمہ تہ یکہ اسور دا وختا ہراٹی نازو نا ايلم اسے کُریا اس اسک تينا مال ءِ دريسك خوافنگ کے شام انا بسہ کہ تو نازو نا لمہ ہنا پیشن پدا جٹس گدرينگا نازو ہُرا لمہ داسکا اف تو نازو ہنا پیشن هُننگ کیتہ تو خنا کہ پیشن نہار منٹ اسور لمه ءِ چکنگ اسور نازو انداڑ تو چیآنٹ اس خلق خلس خسا نہار تا نہار تیان اسیٹ مون کرے نازو کن مچے خل خسا جنگ تس ولے نہار نہار ءِ اندن بد شکل و ہڑکی اس پدا نہار الک اک نازو ءِ مچے چکا ٹپی کرے پدا نازو چک خلک اک بےسار تموکا لمہ ءِ پين نہار اس گررے سا دننگ اس نازو تمیسا بش مریسا نہار رندٹ اس وختس نہارس مونی بسكہ وا نازو خلس خساکہ نہار بجی ہناکہ ایلو نہار آک بھاز مونی اسور لمہ نا ٹپی آ بےسار آ بدن ءِ گرنگ اسور اندن ہنار جنگل اٹ گم مسور نازو ام ہنا اموفتو اوار گم مس ۔
شام انا نازو نا ايلم بس ہراٹی ہُرا کس اف چپ بے توارو خولیس اس پیری كننگ اسک ہُراٹی انداڑتو ہمسایا تا چناس رمبیسا بس دمکشتہ مریسا نازو نا ایلم ءِ پارے
نا لمہ و ایڑے نہاراک دریر گم کریر
نازو نا ايلم گوڈاتے خلک ڈغار آ
پارے انت پاریس دا نہاراک وختی کنا مال و سادار تے كنگہر چٹ کریر کنا جند انا اسے وار رنداٹ تمار داسا دا کنا ہُرا اسکان ام بسور کنا ایڑ و لمه ءِ ام كنگر چاوه..... او اڑے میرو نا شومی
پدا اوغسا میرو رمب کرے امو کنڈا ہنا مچ شام پٹا ساف اتو بس ہراٹی دمدرینگو آ بدن تو تمہ تينا ھوش آن ہنا ۔۔
پدا سوب کہ تما میرو بش مس پیشتا پیشن تو خنا کہ جاگس خلک اٹی مچ ہو بندغ آک چیآنٹ توارے میرو رمب اسا ہنا ہرا کہ لمہ و گودی ء نہاراک الانو ہنانو
پچاک تا ٹنگ ٹنگ و دتر چر اسور لمہ چٹاسک ہیت آن وا ایڑ تو اسل حالتان ہناسک ہو بس انداخس توار کرے لمہ کنے بشخرے ای تينا گُد انا پلو نا رکھ ءِ کننگ کتوٹ خرماک بهاز اسور کنا گُدے ہررار کنے دتر چُر کریر اندا ہیت آن پد اسے خڑینگ اس نازو نا راستیکو خن آن تما پدا نازو نا دم سليس پدا گودی ءِ خن با کریر کفن دفن آن
پد میرو کبرستان آن بس ہُرائےسرمس
ہفے توفنگ ءِ لمہ ءِ تینا پارے اما کاوہ نا و تینا ٹپ آتا دُراخ كننگ کن دعا کیس ۔۔۔۔ پدا مشتا کنڈا مون کرے توفک دوٹی تینتو ہیت کریسا کہ دا ہردے نا کارم جوڑ مسونے دا نہاراک کنا خلق ءِ تبا کریر داسا بس دا نہارتے کسفوٹ یا کہوٹ اندن پاریسا گام خلسا اس وا مشتا کنڈا رواں اس پدا اندن ہنا مشتے ٹی اندر مس ۔۔۔۔۔۔
) شکریہ باور نیوز