آواران ( نامہ نگار ) بلوچستان کے ضلع آواران کے تحصیل جھاؤ کے علاقہ مجد پیر کراس سے پاکستانی فورسز کے ہاتھوں جبری لاپتہ دو بلوچ نوجوانوں کی تشدد زدہ نعشیں برآمد ۔
دونوں مقتول نوجوانوں کی شناخت فہیم ولد قاسم اور باقر بلوچ ولد اللہ بخش کے ناموں سے ہواہے، جو آپس میں رشتہ دار اور آواران کے علاقے چیدگی کے رہائشی ہیں ۔
ذرائع کے مطابق فہیم کو 11 ستمبر کو آواران مین بازار سے جبکہ باقر کو 12 ستمبر کو جھاؤ سے پاکستانی فورسز نے حراست میں لینے کے بعد جبری لاپتہ کیا تھا۔
گزشتہ روز ان دونوں کی تشدد شدہ لاشیں جھاؤ کے مجد پیر کراس پر پھینکی گئیں۔
آپ کو علم ہے بلوچستان میں یہ پہلا واقعہ نہیں ہے ماضی میں بھی متعدد بار پاکستانی فورسز پر یہ الزامات لگتے رہے ہیں کہ جبری لاپتہ افراد کو جعلی مقابلوں میں قتل کیا جاتا ہے، تاہم بلوچ یکجہتی کمیٹی کے مرکزی سربراہ اور دیگر کی غیر قانونی پابند سلاسل میں رکھنے بعد اس نوعیت کے واقعات میں نمایاں اضافہ ہوا ہے ۔