کوئٹہ ( نامہ نگار )بلوچستان نیشنل پارٹی کے سربراہ سردار اختر جان مینگل کیچی بیگ اور کلی باریزئی لہڑی آباد سریاب پہنچے، جہاں انہوں نے 2 ستمبر کو شاہوانی اسٹیڈیم میں خودکش دھماکے کے نتیجے میں شہید ہونے والے علی نواز لہڑی، نصر اللہ اور عبدالنبی کے لواحقین سے تعزیت و ہمدردی کا اظہار کیا۔
اس موقع پر ان کے ہمراہ پارٹی کے مرکزی سینئر نائب صدر ساجد ترین ایڈووکیٹ، مرکزی ڈپٹی سیکرٹری جنرل ملک نصیر احمد شاہوانی، مرکزی جوائنٹ سیکرٹری میر نذیر احمد بلوچ، سینٹرل ایگزیکٹو کمیٹی کے ممبران میر عبدالروف مینگل اور ثنا بلوچ، ضلعی ہیومن رائٹس سیکرٹری پرنس رزاق بلوچ، ملک رفیق شاہوانی، حاجی وحید لہڑی اور ملک عادل شاہوانی بھی موجود تھے۔