نوشکی ( مانیٹرنگ ڈیسک ) بلوچ لبریشن آرمی کے ترجمان جیئند بلوچ نے میڈیا کو جاری بیان میں کہاہے کہ ہمارے سرمچاروں نے نوشکی میں مرکزی شاہراہ پر چار گھنٹوں تک ناکہ بندی کی اور قابض پاکستانی فوج کے قافلے کو حملے میں نشانہ بنایا، جس کے نتیجے میں 8 دشمن اہلکار ہلاک اور چار زخمی ہوگئے۔
ترجمان نے کہا ہےکہ سرمچاروں نے کوئٹہ – تفتان مرکزی شاہراہ پر کیشنگی کے علاقے شیر جان آغا کے مقام پر چیک پوسٹس قائم کرکے چار گھنٹوں تک ناکہ بندی کی۔ اس دوران سرمچار اسنیپ چیکنگ کرتے رہے۔
انہوں نے کہا ہےکہ مذکورہ مقام کی جانب پیش قدمی کی کوشش کرنے والے قابض پاکستانی فوج کے قافلے کو پہلے سے گھات لگائے سرمچاروں نے نشانہ بنایا۔ سرمچاروں نے دشمن فوج پر راکٹوں اور دیگر بھاری ہتھیاروں سے حملہ کیا۔ حملے کی زد میں قافلے کی تین گاڑیاں آئیں، جن کے نتیجے میں قابض فوج کے آٹھ اہلکار موقع پر ہلاک جبکہ کم از کم چار اہلکار زخمی ہوگئے۔ حملے میں دشمن کی تین گاڑیاں ناکارہ ہوگئیں۔