بلوچستان نیشنل پارٹی کے سربراہ سردار اختر مینگل نے سماجی رابطے کی ماہیکرو بلاگنگ سائٹ ایکس پر اپنے ایک بیان میں کہا ہے کہ خضدار میں بلوچستان نیشنل پارٹی کے کارکنوں اور سینئر رہنماؤں کو ہراساں کیے جانے اور دھمکیاں دینے کی شدید مذمت کرتے ہیں ۔
انہوں نے کہا کہ ان کے گھروں پر چھاپے مارے جا رہے ہیں، اور انہیں موجودہ ڈپٹی کمشنر کی طرف سے براہ راست دھمکیاں مل رہی ہیں اور انہیں خبردار کیا جا رہا ہے کہ وہ کل کے پرامن لانگ مارچ میں شرکت نہ کریں۔
سردار اختر مینگل نے کہا کہ آئیے بالکل واضح ہو جائیں کہ یہ مارچ غیر متشدد ہے اور اس کا واحد مقصد جبری گمشدگیوں اور ہماری ماؤں اور بہنوں کے ساتھ غیر انسانی سلوک کے لیے انصاف کا مطالبہ کرنا ہے۔اس مارچ میں شامل ہونے والے کسی بھی سیاسی جماعت کے رکن کے خلاف ہراساں کرنے، حراست میں لینے یا طاقت کا استعمال کیے جانے والے کسی بھی عمل پر توجہ نہیں دی جائے گی نتائج کی تمام تر ذمہ داری ان دھمکیوں کو جاری کرنے اور ان جابرانہ ہتھکنڈوں کو انجام دینے والوں پر عائد ہوگی۔ہم خاموش نہیں رہیں گے۔ ہم انصاف کے لیے مارچ کر رہے ہیں۔