گوادر ( نامہ نگار ) بلوچستان ضلع گوادر کے تحصیل پسنی ببرشور میں ملزم سرکاری ڈیتھ اسکوائڈ کے سرغنہ مراد جان کے ذاتی محافظ صابر ولد سلیمان نامی شخص نے مسمات موزیا بنت ناخدا گَندو سکنہ ببرشور نامی لڑکی کو سوتے میں فائرنگ کرکے قتل کردیا۔
مقتولہ کی خاندان کا کہنا ہے کہ وہ سوئی ہوئی تھی کہ ملزم صابر سلیمان نے آکر 9 ایم ایم پسٹل سے اس پر پانچ فائر کیے جس سے وہ موقع پر ھلاک ہوگئی۔
ذرائع کا کہنا ہے کہ سیٹھ مرادجان اور سلیم ساجدی نے لڑکی کواپنے محافظ صابر سُلیمان جوکہ مراد کے ذاتی محافظ ہے کے زریعے قتل کروادیا ہے۔ کیوں کہ تین ماہ قبل مقتولہ کی رشتہ مانگنے کیلے انکے رشتہدار آئے تھے جہاں خاندان والوں نے رشتہ دینے سے انکار کیا تھا ۔
جس پر مقتولہ مذکورہ لڑکے کے ساتھ بھاگ کر شادی کی تھی ،مگر سیٹھ مراد جان نے جاکر لڑکی کو زبردستی واپس لاکر یہ بات مشہور کرادی کہ لڑکی کو بیچ راستے سے پکڑ کر لائے ہیں ،جن کی شادی یا نکاح نہیں ہوئی پائی تھی ۔
اس کے بعد لڑکے والوں نے آکر معافی مانگی تھی ،جنھیں معاف کیا گیاتھا ۔
جونہی یہ بات پرانی ہوئی تو ڈیتھ اسکوائڈ کے سرغنہ کو بات ہضم نہیں ہوئی اور انھوں نے اپنی بھتیجی کو محافظ زریعےقتل کروادیا ۔