کوئٹہ ( مانیٹرنگ ڈیسک ) بلوچستان ضلع قلعہ عبداللہ کے علاقے کلی صالح زئی میں چچازاد بھائیوں میں لڑائی کے دوران فائرنگ سے تین بھائی شدید زخمی ہوگئے جنھیں اسپتال منتقل کردیا گیا تاہم وہ جانبر نا ہوسکے۔
واقعہ میں ہلاک ہونے والوں کی شناخت شمس اللہ، اکرام اللہ، عزت اللہ کے ناموں سے ہوا ہے، واقعہ کے حوالے سے مزید تحقیقات مقامی پولیس کررہی ہے۔
ادھر کیچ کے مرکزی شہر تربت سیٹلائیٹ ٹاؤن عائشہ مسجد کے نزدیک مسلح افراد نے فائرنگ کرکے عبدالغفور کولواہی ولد کریم بخش سکنہ سیٹلائیٹ ٹاؤن کو قتل کردیا جب کہ گولی لگنے سے محمد عصا ولد عبدالغفور اور صدیق ولد رفیق احمد ساکنان سیٹلائیٹ ٹاؤن تربت زخمی ہوگئے ہیں۔
واقع کے بعد پولیس موقع پر پہنچ کر نعش اور زخمیوں کو ٹیچنگ ہسپتال تربت منتقل کردیا ، جہاں زخمیوں کی حالت خطرے سے باہر بتائی جاتی ہے۔
دریں اثناء ضلع نصیرآباد کے علاقے میں نہر کنارے کھیلتی ہوئی 2 سالہ بچی کلثوم پٹ فیڈر کینال میں گر کر ڈوب کر جانبحق ہوگئی ہے، اہل علاقے کی جانب سے اپنی مدد آپ کے تحت لاش کو نہر سے نکال لیا گیا ہے۔