خضدار سے جبری لاپتہ ممتاز کی بازیابی کیلے 6 ستمبر کو ایکس پر کیمپئن چلائی جائے گی۔ وائس فار جسٹس

 

خضدار سے  6 ستمبر 2022 کو پاکستانی فورسز ہاتھوں  تیسری بار جبری  لاپتہ ہونے والے ممتاز بلوچ کی بھتیجی بانڑی بلوچ نے جاری بیان میں کہاہے کہ میرے ماموں پچھلے دو سال سے لاپتہ ہے ۔ اس سے قبل بھی دو بار انہیں  گمشدہ گی کا نشانہ بناکر تشدد کے بعد بازیاب کیا گیا تھا، لیکن اب تیسری بار اٹھائے جانے کے بعد سے پھر لاپتہ ہیں ۔ 

انھوں نے کہاہے کہ  ممتاز بلوچ کی جبری گمشدگی کو دو سال مکمل ہونے پر 6 ستمبر کو بلوچ وائس فار جسٹس نے کمپین چلانے کا اعلان کیا ہے۔ میں تمام جبری لاپتہ افراد کے لواحقین اور انسانی حقوق کے کارکنوں سے اپیل کرتی ہوں کہ وہ اس حوالے سے اپنی دو منٹ کی ویڈیو پیغام ریکارڈ کریں۔

اس کے علاوہ میں تمام سیاسی و سماجی کارکنوں، وکلاء، طلباء، اور صحافیوں سمیت زندگی کے ہر شعبے سے تعلق رکھنے والے افراد سے اپیل کرتی ہوں کہ وہ اس کمپین میں حصہ لے کر اس پیش ٹیگ کا استعمال کریں۔

#ReleaseMumtazBaloch

 ممتاز بلوچ کی با حفاظت بازیابی کے لیے آواز اٹھائیں اور ہماری آواز بنیں۔