خاران ، مختیار احمد کو فوری بازیاب نہیں کیاگیا تو پہیہ جام شٹرڈاؤن ہوگا ۔ لواحقین کی پریس کانفرنس

خاران گزشتہ دن خاران کراچی مین شاہراہ سے مسلح با اثر افراد کے ہاتھوں اغواء ہونے والے خاران سراوان کے رہائشی کاروباری شخصیت زمیندار مختیار احمد مینگل کی اب تک عدم بازیابی اور انتظامیہ کی غُفلت کیخلاف اُنکے لواحقین اہلیان سراوان ، خاران کے سیاسی پارٹیز علماء کرام اور چیئرمین ٹاون کمیٹی کے چیئرمین میر نورالدین نوشیروانی کے ہمراہ خاران پریس کلب میں پُرہجوم پریس کانفرنس کرتے ہوئے کہاکہ مختیار احمد مینگل پیشے کے لحاظ سے دوکاندار اور زمیندار ہے اُنکا کسی کے ساتھ کوئی ذاتی مسئلہ یا دشمنی نہیں ہے مختیار احمد کو دن دہاڑے اغواء کرنا انتظامیہ کی کارکردگی پر سوالیہ نشان ہے ۔

انھوں نے کہاکہ 48گھنٹے گزرنے کے باوجود بازیابی کیلئے کوئی خاص پشروفت نہیں ہوئی ہے جو تشویشاناک عمل ہے ، جس کی پور زور الفاظ میں مذمت کرتے ہیں ۔

انہوں نے کہاکہ ایم پی اے خاران اور مقامی انتظامیہ کی طرف سے بازیابی کو ممکن بنانے کیلئے جرگے میں دو دن کا مہلت مانگا گیا تھا اور آج رات دس بجے تک انکا الٹی میٹم ختم ہو جائیگا اگر آج رات تک مغوی مختیار احمد کو بازیاب نہیں کیا گیا تو کل لواحقین اور خاران کے عوام چیف چوک پر اپنا رد عمل دیں گے ، اور عوام سے بھی مطالبہ کیا گیا کہ مختیار احمد کا مسئلہ صرف اسکے اپنے گھرانے کا مسئلہ نہیں رہا بلکہ اب یہ پورے علاقے کا مسئلہ ہے وہ لواحقین کا ساتھ دیں ۔

انہوں نے کہاکہ کل ہم خاران کے عوام بازار پنچاہت زمیندار ایکشن کمیٹی سول سوسائٹی اور آل پارٹیز سے اپیل کرتے ہیں کہ اگر کل تک جو بھی فیصلہ ہوا پہیہ جام ہڑتال یا دھرنے اور احتجاج کا عوام کو ہمارے ساتھ تعاون کرنا ہوگا۔