بنگلہ دیش میں سرکاری ملازمتوں کے کوٹے پر ہونے والے احتجاج کے درمیان حریف طلباء گروپوں میں پرتشدد جھڑپوں میں کم از کم چھے مظاہرین ہلاک ہو گئے۔ اس سے ایک روز پہلے 400 سے زیادہ افراد زخمی ہوئے تھے۔
پولیس کے مطابق یونیورسٹی کے طلباء کی حکمران عوامی لیگ کی حمایت کرنے والے احتجاج مخالف مظاہرین کے ساتھ لاٹھیوں اور پتھروں سے لڑائی کے درمیان پولیس نے آنسو گیس استعمال کی اور اور ربڑ کی گولیاں چلائیں۔
بنگلہ دیش نے منگل کو احتجاج کے دوران پرتشدد جھڑپوں میں چھ طلباء کی ہلاکت کے بعد ملک بھر کے اسکولوں اور یونیورسٹیوں کو غیر معینہ مدت کے لیے بند کرنے کا حکم دیا ہے جب کہ نظم و نسق برقرار رکھنے کے لیے نیم فوجی دستوں کو لایا گیا ہے۔
منگل کی جھڑپیں ڈھاکہ میں کوٹہ مخالف مظاہرین اور حکمران عوامی لیگ کے طلبہ ونگ کے ارکان کے درمیان تصادم کے ایک دن بعد ہوئی ہیں جس میں 400 سے زائد افراد زخمی ہوئے تھے۔
اس ماہ تقریباً روزانہ ہونے والے مظاہروں میں کوٹہ سسٹم کے خاتمے کا مطالبہ کیا جارہا ہے جس میں سول سروس کی نصف سے زیادہ پوسٹیں مخصوص گروپوں کے لیے ریزروڈ ہیں، جن میں پاکستان کے خلاف 1971 کی جنگ آزادی کے ہیروز کے بچے بھی شامل ہیں۔
اقوام متحدہ کے سکریٹری جنرل انتونیو گوتریس نے بنگلہ دیش کی حکومت سے مطالبہ کیا ہے کہ وہ مظاہرین کو کسی بھی قسم کے خطرے یا تشدد کے خلاف تحفظ فراہم کرے۔
ان کے ترجمان کے مطابق، گوتریس نے کہا، “پرامن طریقے سے مظاہرہ کرنے کا اہل ہونا ایک بنیادی انسانی حق ہے اور حکومت کو ان حقوق کا تحفظ کرنا چاہیے۔”
ایمنسٹی انٹرنیشنل نے بنگلہ دیش پر زور دیا ہے کہ وہ “تمام پرامن مظاہرین کی حفاظت کی فوری ضمانت دے”۔
امریکی محکمہ خارجہ کے ترجمان میتھیو ملر نے بھی “پرامن مظاہرین کے خلاف تشدد” کی مذمت کی، جس کی بنگلہ دیش کی وزارت خارجہ نے مذمت کی۔
یہ پرتشدد واقعات، اسٹوڈنٹس کی جانب سے احتجاجی دھرنوں اور اسٹریٹ مارچ کی ایک ہفتہ طویل مہم کو روکنے کی کوششوں میں اضافے کی نشاندہی کرتے ہیں جنہوں نے بنگلہ دیش کی وزیر اعظم اور اعلیٰ عدالت کی طرف سے طلبا کی کلاس میں واپسی کے مطالبات کو نظر انداز کر دیا ہے۔