خضدار سے طالبعلم انیس بلوچ لاپتہ

خضدار سے طالبعلم انیس بلوچ لاپتہ۔ بلوچ اسٹوڈنٹس کونسل ملتان کے سابق چیئرمین اور بی زیڈ یو ملتان کے طالب علم انیس بلوچ کو آج شام خضدار شہر  کے مقامی ہوٹل پاکستانی خفیہ اداروں کے اہلکاروں نے جبری حراست میں لیکر جبری لاپتہ کردیا ہے۔

انیس بلوچ BZU ملتان سے کمپیوٹر 

سائنس میں گریجویٹ ہیں۔

بلوچ سٹوڈنٹس آرگنائزیشن کے مرکزی ترجمان نے اپنے جاری کردہ بیان میں کہا ہے کہ خضدار سے بہاولدین ذکریا یونیورسٹی کے طالب علم انیس بلوچ کو مرکزی شاہراہ پہ واقع ہوٹل سے رات آٹھ بجے مسلح افراد اٹھا کر لے گئے۔ ان کا اغوا ریاست کے بلوچ دشمن پالیسیز کا نتیجہ ہے۔

انیس بلوچ بی این پی کے مرکزی ایگزیکٹو کمیٹی کے رکن چیئرمین واحد بلوچ کے بھانجے جب کہ بی ایس او کے مرکزی کمیٹی کے رکن بیبرگ واحد بلوچ کے کزن ہیں۔ چیئرمین واحد بلوچ اور ان کے خاندان اپنے سیاسی سرگرمیوں کے باعث شروع دن سے سرکار اور سرکاری سرپرستی میں پلنے والے مقامی ڈیتھ سکواڈز کے دھمکیوں کے زد میں رہے ہیں۔ جن کا ذکر وہ بارہا سوشل میڈیا و دیگر پلیٹ فارمز پر کر چکے ہیں۔

ان کا کہنا تھا کہ ہم خضدار انتظامیہ سے مطالبہ کرتے ہیں کہ صبح ہونے  سے پہلے انیس بلوچ کا پتہ لگا کر انہیں بحفاظت بازیاب کرایا جائے۔ بصورتِ دیگر ہمارا آئندہ کا لائحہ عمل انتہائی سخت ہوگا۔