ریاستی مروجہ دشمنی کو تسلیم کرتے ہوئے ہم اپنے اسلام
آباد دھرنے کے اختتام کا اعلان کرتے ہیں۔ ڈاکٹر ماہ رنگ بلوچ
ریاست، عدلیہ، میڈیا، وفاقی جماعتوں، نام نہاد صحافیوں اور دانشوروں کے بلوچ مخالف رویوں کا مشاہدہ کرتے ہوئے اور بلوچ قوم کے ساتھ مروجہ دشمنی کو تسلیم کرتے ہوئے ہم اپنے اسلام آباد دھرنے کے اختتام کا اعلان کرتے ہیں۔
اسلام آباد میں بلوچ لواحقین لانگ مارچ نے اپنا دھرنا کیمپ ختم کرنے کا اعلان کردیا۔ اس موقع پر ماہ رنگ بلوچ نے پریس کانفرنس کرتے ہوئے کہا کہ ریاست کی جانب سے بلوچ لواحقین کیمپ کیخلاف طاقت کا استعمال، شرکا کو فورسز کی جانب سے ہراساں کرنے اور کیمپ اکھاڑ پھنکنے کی دھمکیوں اور سیکورٹی تھریٹ کے باعث اسلام آباد میں جاری دھرنا کیمپ ختم کرنے کا فیصلہ کیا ہے۔ تحریک کے پانچویں مرحلے میں 27 جنوری کو کوئٹہ میں جلسے کا انعقاد کیا جائیگا۔