بلوچستان کے دارالحکومت کوئٹہ کے علاقے قمبرانی پر نامعلوم افراد کی فائرنگ سے پروفیسر کامرس کالج شفقت الله محمدزئی زخمی ہو گئے۔زرائع کا کہنا ہے کہ قمبرانی روڈ پر شفقت الله محمدزئی بچوں کے ہمراہ گھر جارہے تھے اس دوران مسلح افراد نے فائرنگ کی جس کے باعث پروفیسر کامرس کالج شفقت الله محمدزئی زخمی ہو گئے۔
علاوہ ازیں قلات منگچر ٹریفک حادثے میں 4 افراد جاںبحق، 6 سے زائد زخمی۔ اطلاعات کے مطابق منگچر میں شال کراچی شاہراہ پر مسافر کوچ اور جیپ میں تصادم ہوا جس کے نتیجے میں 4 افراد موقع پر ھلاک جبکہ 6سے زائد زخمی ہوگئے۔ زخمیوں کو طبی امداد کیلئے مستونگ ریفر کیا گیا۔
ادھر بولان سے اطلاع ہے کہ پانی میں ایک چرواہا محمد فضل ولد داد محمد سمالانی پاؤں پھسلنے کے باعث ڈوب کر ھلاک ہوگیا۔ جس کی نعش 8 گھنٹے کی مسلسل کوشش کے بعد ریسکیو اہلکاروں اور ورثاء کی مدد سے نکال کر ہسپتال منتقل کر دیا گیا۔