خیر پور کے علاقے درازہ شریف کے قریب پسند کی شادی کرنے والے جوڑے کو قتل کر دیا گیا۔پولیس کا کہنا ہے کہ قتل کا مقدمہ درج کر لیا گیا جس میں لڑکی کے 2 بھائیوں کو نامزد کیا گیا ہے۔
پولیس کے مطابق نوبیاہتا جوڑے کے قتل میں ملوث ملزمان کی تلاش جاری ہے۔ پولیس نے کہا کہ 2 ماہ قبل پسند کی شادی کرنے والے جوڑے کو گزشتہ رات قتل کیا گیا تھا۔
کراچی میں شہریوں نے لٹیروں سے خود نمٹنے کی ٹھان لی، کورنگی نمبر3 دکان مالک نے دودھ کی دکان پر ڈکیتی کی کوشش ناکام بنادی، دکاندار کی فائرنگ سے ڈاکو ہلاک ہوگیا.واردات کی سی سی ٹی وی فوٹیج بھی منظرعام پر آگئی ہے، جس میں دیکھا جاسکتا ہے کہ موٹرسائیکل پر سوارتنہا ڈاکو ملک شاپ میں ڈکیتی کے لئے داخل ہو ا ۔ ملزم نے دکاندار سے موبائل فون نقدی سمیت کیش کاﺅنٹر سے بھی رقم لوٹی۔اس دوران دکاندار نے موقع ملتے ہی اپنے لائسنز یافتہ اسلحہ سے ڈاکو پر فائرنگ کردی ، دکاندار کی فائرنگ سے ڈاکو موقع پرہی ہلاک ہوگیا ، جس کی شناخت شاہ رخ کے نام سے ہوئی ہے ۔
پولیس نے بتایا کہ ہلاک ڈاکو کے قبضے سے اسلحہ موبائل فون اور موٹرسائیکل برآمد ہواہے ۔دکان مالک کے مطابق ملک شاپ پر ایک ماہ قبل بھی واردات ہوئی تھی، ایک ماہ قبل ہونے والی واردات کی سی سی ٹی وی فوٹیج بھی منظر عام پر آگئی ، واردات کے دوران ملزمان نقدی رقم اور دیگر سامان لوٹ کر لے جاتے ہیں۔
کراچی کے علاقے نارتھ ناظم آباد کی کچرا کنڈی سے 3 نوزائیدہ بچوں کی لاشیں ملی ہیں۔ریسکیوذرائع کے مطابق تینوں نوزائیدہ نعشوں کو ہسپتال منتقل کر دیا گیا ہے۔پولیس کے مطابق نومولود نعشوں سے متعلق تحقیقات شروع کر دی گئی ہیں۔
کراچی اورنگی ٹاؤن میں تیز رفتار واٹر ٹینکر نے موٹر سائیکل سوار فیملی کو کچل دیا، ماں اور شیر خوار بچہ جاں بحق اور باپ زخمی ہوگیا، دیگر ٹریفک حادثات میں نوجوان سمیت 2 افراد جاں بحق ہوگئے۔اورنگی ٹاؤن کے علاقے علی گڑھ کالونی کچی آبادی کے رہائشی محمد موسی کے 7 ماہ کے بیٹے رمضان موسیٰ کی طبیعت خراب تھی جیسے دکھانے کے لیے میاں بیوی موٹر سائیکل پر اسپتال لے جارہے تھے جب وہ قصبہ موڑ شہزاد چوک پر پہنچے عقب سے آنے والے تیز رفتار واٹر ٹینکر نے انہیں کچل تھا اور بجلی کے کھمبے میں گھس گیا جس پر نصب پی ایم ٹی بھی زور دار دھماکے سے گرگئی۔حادثہ دیکھ کر موقع پر موجود لوگ چیخنے لگے، ڈرائیور حادثے کے بعد ٹینکر چھوڑ کر فرار ہوگیا، موقع پر موجود 24 سالہ سدرہ موسی اس کے 7 ماہ کے بیٹے رمضان موسیٰ نے موقع پر ہی دم توڑ دیا جبکہ بچے کا باپ موسی زخمی ہوگیا، دونوں جاں بحق اور زخمی کو فوری طور پر ایمبولینسوں کے ذریعے الگ الگ اسپتال پہنچایا گیا۔پیر آباد پولیس نے اسپتال پہنچ کر قانونی کارروائی کے بعد ماں بیٹے کی لاشیں ورثا کے حوالے کردیں جبکہ زخمی کو سول اسپتال پہنچایا جہاں اس کی حالت تشویش ناک بتائی جاتی ہے۔
دریں اثنا ہفتے کی صبح سات بجے کے قریب شارع فیصل بلوچ کالونی پل کے قریب 20 سالہ نوجوان موٹر سائیکل پرجارہا تھا کہ اچانک اس کی موٹر سائیکل سلپ ہوگئی اور وہ گرھلاک ہوگیا۔
میت کو ایمبولینس کے ذریعے جناح ہسپتال پہنچایا گیا جہاں متوفی کی شناخت نبیل کے نام سے کیاگیا ۔تیسرا واقعہ بلدیہ حب ریور روڈ پر پیش آیا جس میں 65 سالہ حسنین سڑک عبور کرتے ہوئے نامعلوم موٹر گاڑی کی زد میں آکر ھلاک ہوگیا.