ڈیرہ مراد جمالی تحصیل تمبو کے علاقے جھڈیر شاخ میں زمینی تنازعہ پر بگٹی اور بھنگر قبائل کے مابین فائرنگ کا تبادلہ ہوا جس کے نتیجے میں میر جان بھنگر نامی شخص ہلاک اس کا بیٹا غلام حسین بھنگر، جعفر بگٹی اس کے دو بیٹے محمد حیات اور صحبت خان بگٹی، عید محمد، قاسم بھنگر، شاہ محمد بھنگر اور عبدالکریم بھنگر زخمی ہوگئے ۔
اطلاع ملنے پر پولیس جائے وقوعہ پر پہنچ کر نعش اور زخمیوں کو سول ہسپتال ڈیرہ مراد جمالی منتقل کر دیا، جہاں ضروری کاروائی کے بعد نعش ورثاء کے حوالے کرکے مزید کاروائی شروع کردی ہے۔
علاوہ ازیں شاہرگ سندھی محلہ میں حاجی امان اللہ تارن نامی شخص کے دفتر کے چوکیدار درا مری کو نامعلوم افراد نے فائرنگ کرکے قتل کر دیا، شاہرگ لیویز جائے وقوعہ پر پہنچ کر نعش کو اپنے طویل میں لیکر رورل ہیلتھ سنٹر شاہرگ منتقل کردیا ۔
چوکیدار کو قتل کرنے کی وجوہات معلوم نہ ہوسکے ہیں لیویز تحقیقات کررہی ہے۔
دریں اثناء امٹول پل کھیر تھر کینال سے پولیس نے ایک بوسیدہ نعش بر آمد کرکے اوستہ محمد ہسپتال پہنچائی ہے ۔ پولیس کے مطابق مقتول کے جیب سے شناختی کارڈ ملا ہے جس پر نام عمران علی ولد مشتاق ساکن مصطفی کالونی بائی پاس سکھر لکھا ہوا ہے۔