حب ساکران 2 نمبر نالے کے قریب نامعلوم افراد کی فائرنگ سے ایک شخص ھلاک ہوگیا۔ واقع بعد ریسکیو ٹیم نے نعش ہسپتال پہنچادیا جبکہ پولیس نے نامعلوم افراد خلاف تفتیش شروع کردی ہے ۔
حب سٹی پولیس کے مطابق گزشتہ روز ایک اطلاع ملنے پر ساکران روڈ مری چوک کے قریب ایک مکان سے پھندہ لگی نعش برآمد کر کے اسپتال منتقل کی گئی جسکی شناخت 30سالہ منظور احمد سے ہوئی پولیس کے مطابق متوفی نشے کا عادی تھا اور اہل خانہ سے نارا ض تھا پولیس کے مطابق متوفی نے گلے میں پھندہ لگا کر خودکشی کی ہے اور نعش کئی روز پرانی ہے۔
حب مائنرنمبر2پر حب ندی کے قریب نامعلوم مسلح ڈاکوﺅں نے ڈکیتی کے دوران فائرنگ کر کے ایک شخص کو زخمی کردیا جو کہ اسپتال لے جاتے ہوئے زخموں کی تاب نہ لاتے ہوئے ھلاک ہوگیا۔
خضدار جھالاوان کمپلیکس میں مسلح افراد کی فائرنگ سے فقیر محمد عرف بابل جان جو مقامی تاجر حاجی علی گوہر غلامانی کا بیٹا بتایا جاتا ہے ھلاک ہوگیا ۔
خضدار کی تحصیل باغبانہ میں شاہراہ پر گرڈ اسٹیشن کے قریب موٹر سائیکل اور کار میں تصادم جس کے نتیجے میں ایک موٹرسائیکل سوار ھلاک دوسرا زخمی ہوگیا۔ زخمی اور نعش کو ٹیچنگ اسپتال منتقل کردیا گیا۔
مستونگ لکپاس کے قریب پک اپ گاڑی ٹائر پھٹنے کی وجہ سے الٹ گئی، جس کے نتیجے میں بارہ افراد زخمی ہوگئے، حادثے کی اطلاع ملنے پر ریسکیو ٹیموں نے زخمیوں کو فوری طور پر رئیسانی ہسپتال منتقل کردیا ، زخمیوں میں نور احمد، جعفر خان، امام حسن، عنایت، احمد، امام حسن، منظور احمد، مولا بخش، عبداللہ، علی محمد، نیاز علی، فضل الرحمن شامل ہیں، تمام زخمی افراد کا تعلق منگچر سے بتایا جاتا ہے۔