تربت کے علاقے جوسک آئل منڈی میں آبادی کے اندر ایک تیل بردار ٹینکر میں اچانک آگ بڑھک اٹھی ۔مگر ڈرائیور نے دیگر لوگوں سمیت تیل کی دکانوں کو بچاتے ہوئے اپنی جان خطرے میں ڈال کر گاڑی آبادی سے دور بھگا دی ۔ تاہم اس دوران وہ آگ میں جھلس کر شدید زخمی ہوگئے ہیں ۔
آگ کی اطلاع ملنے پر میونسپل کارپوریشن تربت فائر بریگیڈ ٹیم پہنچ کر آگ بجھادی ، جبکہ زخمی ڈرائیور کو اسپتال منتقل کردیا گیا ، بتایا جارہاہے کہ ان کی حالت تشویشناک ہے ۔
عوامی حلقوں نے آتشزدگی کے اس واقعہ پر سخت افسوس کا اظہار کیا ہے اور ڈرائیور کی بہادری پر اس کی زبردست تعریف کی ہے، انتظامیہ سے مطالبہ کیا گیا ہے کہ وہ ڈرائیور کے علاج کے لیے مناسب بندوبست کرے۔