بلوچستان کے علاقے خضدار شہر میں جھالاوان کمپلیکس مقام پر زور دار بم دھماکہ ہوا ہے ، بم دھماکہ میں سپرٹنڈنٹ آف پولیس کے اسکواڈ کو نشانہ بنایا گیا ہے ،جس میں دو عبدالسلام اور محمد دین نامی دو اہلکار ہلاک ہوگئے
جبکہ عبدالطیف نامی سپاہی و دیگر زخمی ہوگئے ۔
دھماکے کے بعد پولیس اور فورسز کی بھاری نفری جائے وقوعہ پر پہنچ گئی-
علاقے کو سیل کرکے ہلاک اور زخمی اہلکاروں کو سول اسپتال منتقل کردیا گیا ، واقع کی تحقیقات پولیس کررہی ہے-
ادھر سے اطلاعات ہیں کہ سوراب کے مرکزی بازار میں مقامی بیکری کے سامنے نامعلوم افراد کی فائرنگ سے ڈی ایس پی سوراب کے ڈرائیور عبدالعزیز میروانی زخمی ہوگئے ہیں ۔
دونوں واقعات کی ذمہداری کسی نے قبول نہیں کی ہے ۔