شال پھاٹک کے قریب ٹرک اور رکشہ درمیان تصادم کے نتیجے میں رکشے میں سوار 4 افراد ھلاک اور ایک زخمی ہوگیا ۔
مقامی انتظامیہ موقع پر پہنچ کر ٹرک ڈرائیور کو حراست میں لیکر نعشیں شوں ہسپتال منتقل کرکے ضروری کارروائی شروع کردی ہے ۔
لورالائی کے علاقے کلی کچلاک کے مقام پر بچوں کی لڑائی کے دوران پتھر لگنے سے طور خان نامی شخص ھلاک ہوگیا۔
پنجگور کے علاقے سیدان میں نامعلوم مسلح موٹر سائیکل سواروں نے گاڑی پر فائرنگ کی جس کے نتیجے میں ایک خاتون جانبحق ہوگئی۔
ھلاک ہونے والی خاتون پروم کی رہائشی بتائی جارہی ہیں۔ واقعہ کے محرکات تاحال معلوم نہیں ہوسکے۔
بولان سے اطلاعات ہیں کہ موٹرسائیکل سے گر کر ایک خاتون ھلاک ہوگئی ہیں ۔
سبی تبلیغی اجتماع میں شرکت کے لئے جانے والی گاڑی بھرگڑی کے مقام پر حادثہ کا شکار ہوا ، جس میں سوار 8 افراد شدید زخمی ہوئے ہیں جنکا تعلق کوہلو سے بتایا جارہاہے۔
زخمیوں کو ڈویژنل ہیڈ کوارٹر ہسپتال سبی منتقل کیا کردیا گیا ہے۔
دریں اثنا سبی میں تبلیغی اجتماع پر جانے والے چار افراد کو یونین کونسل اسپین تنگی کے علاقہ سور وا سے اغواء کیا گیا ہے ، جو ہرنائی سے سبی اجتماع کےلئے جارہے تھے۔
لیویز زرائع کے مطابق مذکورہ افراد کو قبائلی جھگڑے کی بناپر اغواء کیا گیاہے ۔
لیویز کے مطابق مغوی افراد میں حلیم ولد کوتان،شبیر ولد ملک اموجان، عبدالمقتدر ولد مولوی عبدالقویم، پیرمحمد سلطان شامل ہے ،مغوی افراد کا تعلق ہرنائی کلی خدرانی سے بتایا جاتا ہے ۔