آواران کے رہائشی چودہ سالہ عابد ولد خالد کو
گذشتہ رات کراچی پولیس سی ٹی ڈی نے خفیہ اداروں کے ہمراہ اسکے رشتہ دار کے گھر واقع ڈالمیاں شانتی نگر سے رات ڈیرھ بجے اٹھا کر جبری لاپتہ کر دیا۔
فیملی ذرائع کے مطابق عابد گردے کا مریض ہے جس کا ایک گردہ مکمل ناکارہ تھا اور دوسرے گردے کا ایک آپریشن گزشتہ ماہ ہوا تھا جس کے بعد اسے ڈاکٹروں نے دوائیاں دیکر ایک مہینے ریسٹ کرنے کو کہا اور کل 16 نومبر کو اسکے ناکارہ گردے کا دوسرا آپریشن تھا ، جسے نکالنا تھا، جس کی وجہ سے اسے کل کھتیانہ میمن اسپتال میں داخل ہونا تھا لیکن مالی مشکلات کیوجہ سے اسکا داخلہ ممکن نہیں ہوسکا۔
جس کی وجہ سے ڈاکٹروں نے اگلے منگل کو اس کا آپریشن رکھا تاکہ پیسوں کا بندوبست کیاجا سکے ۔
بلوچ نیشنل موومنٹ کی ہیومن رائٹس ادارے پانک نے بھی اسکی جبری گمشدگی پر تشویش کا اظہار کرتے ہوئے ٹویٹ کیا ہے اور فورسز کی اس غیر انسانی عمل کی شدید مذمت کی ہے۔
انکے مطابق پولیس نے گھر میں موجود اسکے رشتہدار خاتون کو بھی تشدد کا نشانہ بنایا ہے۔