بلوچ اسٹوڈنٹس آرگناٸزیشن کے ترجمان کے بیان مطابق بی ایس او کی جانب سے تنظیمی ساتھی شہید حانی بلوچ کی پہلی برسی کے مناسبت سے بی ایس او کے مختلف زونز خضدار، مستونگ، حب، اوتھل، شال، کوہلو سمیت بی ایس او کے تمام زونز میں شہید حانی بلوچ کی یاد میں تعزیتی ریفرنسز کا انعقاد کیا گیا اور انقلابی اشعار، و گیت گا کر شہید جہد کار ساتھی کو خراج تحسین پیش کر کے شمعیں روشن کی گٸیں۔
ترجمان نے کہاکہ شہید حانی بلوچ نے گزشتہ سال میڈیکل طلبا کی تحریک میں قاٸدانہ کردار ادا کرکے اول دستے میں رہ کر طلبہ کی رہنماٸی کی تھی ۔ اور دیدہ دلیری کے ساتھ جدوجہد کرتی رہیں۔
24 ستمبر 2021 کو ناگہانی طورپر ان کی موت واقع ہوٸی جو کہ بی ایس او سمیت بلوچ راج کےلیے ایک دکھ و کرب کا باعث بنی۔ لیکن آخر دم تک اس کی بے مثال انتھک و لازوال جدوجہد و مزاحمت بی ایس او کے ساتھیوں کے لیے ایک مشعل راہ ہے۔
انھوں نے کہاہے کہ سنگت حانی بلوچ نے لازوال جدوجہد کر کے اپنی مزاحمتی زندگی سے ہمیں یہ پیغام و سبق دیا کہ ہمیں جدوجہد کی طرف بڑھنے کیلیے بے شمار قربانیاں دینی پڑیں گی، اور اس جدوجہد میں ہمیں اپنے خاندان سے لے کر ریاست اور سماج سے لے کر سامراج کے خلاف بھی سینہ سپر ہونا ہوگا۔
پریس ریلیز میں کہاگیا کہ ہمیں خود کو مضبوط بنانا ہوگا اور اپنی زات سے مسلسل برسرِ پیکار ہوکر جدوجہد کو اولین درجہ دینا ہوگا اور ہم پر مسلط کی گئی بندشوں کو تیاگ کر ایک نئی ذندگی کا انتخاب کرنا ہوگا۔ جو کہ آگے جا کر ایک آزاد قوم اور سماج کی بنیادیں رکھے گی۔
انھوں نے کہاکہ محکوم وطن پر سہل پسندی، ٹال مٹول، بے جا بھڑک بازی وغیرہ کی کوٸی گنجاٸش نہیں۔ محکوم وطن کے ہر جہد کار کو دن رات ایک کر کے جہد کرنی ہوگی اور مزاحمت کی داستانیں رقم کرنی ہوگی۔
بی ایس او کے ترجمان نے کہاکہ کوٸی بھی قربانی و جدوجہد چھوٹی بڑی نہیں ہوتی اور اپنے کردار و جہد کا جاٸزہ لے کر ہم سب کو حانی بلوچ کی جہد و زندگی سے شکتی لینی ہوگی۔
