کراچی تین ماہیگروں کی لانچ سے نعشیں برآمد،ایک بیہوش اسپتال منتقل

کراچی: کورنگی میں چشمہ گوٹھ فشری گیٹ نمبر ایک پر جمعے اور ہفتے کی درمیانی شب تین ماہی گیر لانچ کے نچلے حصے میں بنائی گئی ٹنکی کی صفائی کے دوران زہریلی گیس موجود ہونے کی وجہ سے مبینہ طورپردم گھٹنے کے باعث ھلاک ہوگئے ہیں ۔ جب کہ ایک ماہی گیر کو بے ہوشی کی حالت میں اسپتال منتقل کردیا گیاہے ۔ ہلاک ہونے والوں کی شناخت 40 سالہ ظہیر ولد موسیٰ ،30 سالہ قادر ولد رمضان اور35 سالہ دیدارعلی ولد تاج محمد کے نام سے کی گئی۔ تینوں ماہی گیر کورنگی چشمہ گوٹھ کے رہائشی اور ان کا آبائی تعلق اندرون سندھ سے تھا۔ عزیز و اقارب کے مطابق گزشتہ ماہ تقریباً 20 ماہی گیرمچھلی کے شکار کےلیے ایک لانچ میں سوار ہو کرکھلے سمندر میں گئے تھے۔ مچھلی کے شکار کے دوران لانچ کے نچلے حصے میں بنائی گئی ٹنکی کی صفائی کےلیے ایک ماہی گیرداخل ہوا تو ٹینکی میں زیریلی گیس موجود ہونے کی وجہ سے وہ بے ہوش گیا جسے بچانے کے لیے مزید3 ماہی گیر ٹنکی میں اترے اور زہریلی گیس موجود ہونے کے باعث دم گھٹنے سے جاں بحق ہوگئے .