سری لنکا ٹی برانز کروک آتیا پولیس نا سم کاری، اسہ بندغ ئس بیران

کولمبو: سری لنکا ٹی حکومت نا بر خلاف برانز کروک آتیا پولیس نا سم کاری آن اسہ بندغ ئس بیران مس و چندیک ٹپی مسُر۔ پیشن ملکی میڈیا نا رد ئٹ سری لنگا ٹی سخت معاشی نیستی نا سوب آن جتا شار تیٹی حکومت نا بر خلاف برانز برجا ءِ۔ سری لنکا سخت معاشی نیستی نا گواچی ءِ۔ ملک ئٹی دارو و ارغ دیر ئنا گڑا تا نیستی ءِ و تیل ئنا کمبوتی نا سوب آن دہ گھنٹہ آن زیات لوڈشیڈنگ مننگے۔ سری لنکا نا حکومت معاشی نیستی ءِ وس ئٹ ہلنگ کن آئی ایم ایف آن زوت وام ہلنگ نا خواست کرینے۔