ھب چوکی: پاکستانی لشکر ءِ چریکاں پتھ مھمد نامیں مردمے آوار جتگ ءُ پنچ لک کلدار لوٹگ ءَ اَنت
ھب چوکی: پاکستانی لشکر ءِ داشتگیں چریکاں چار مارچ ءَ پتھ مھمد ء زباد جھنند جنگی گوٹ ھب چوکی آوار جنگ ءَ پد بیگواہ کرتگ۔
اھوالکار ءِ رد ءَ پتھ مھمد پرپٹ شورمے ءَ مزورے،ھما وھد ءَ آوار جنگ بیتگ کہ چہ وتی کار ءِ سر ءَ دیم پہ لوگ ءَ روگ ءَ بیتگ۔ پاکستانی لشکر ءِ چریک گوں آئی ءِ کھول ءَ رھوت کنگ ءُ پنچ لک کلدارر لوٹگ ءَ اَنت۔ بیگواھیں پتھ مھمد نیزگاریں مردمے ءُ آ روچے پہ چار سد کلدار ءَ مزور کنگ ءَ بیتگ، آئی ءِ کھول ءَ انچو کُنِش نیست کہ آ پنچ لک کلدار یکجاہ دات بہ اَنت۔
