پاکستانی لشکر ءَ بازیں کلاکاں چہ روک ءُ آؤکیں مردم داشتگ اَنت!*

مند ءَ پاکستانی لشکر ءَ بازیں کلاکاں چہ روک ءُ آؤکیں مردم داشتگ اَنت- گیشیں ھالانی رِد مروچی مند ءِ دمگ دوکوپ ءَ ساھت پنچ ءَ پاکستانی لشکر ءَ رؤک ءُ آؤکیں گاڑی داشتگ اَنت- اِھوالکارانی رِد ءَ ھمش اِنت انو راہ لشکر ءَ پچ کتگ تنی وھدے اے زانگ بوگ ءَ نہ اِنت چی سبب ءَ پاکستانی لشکر ءَ گاڑی داشتگ اَنت- اے ھم گوشگ بوگ ءَ اِنت کہ بالگرداں ھم گشت جتگ ءُ واتر شتگ اَنت- اے درگت ءَ گیشیں ھال ءِ سرپدی نیست-