روکپتی بلوچستان ءَ دو مردم ءِ لاش دزکپتگ، مشکے ءِ جھمنند اَنت*

روکپتی بلوچستان:سراوان ءِ ھند سوران کھن میر ءَ دو رو درآتکی بلوچستان ءِ جھمندیں ورنایانی تیرسپتیں لاش دزکپتگ اَنت۔ آیانی پجار سئود ء اسھاک ءُ کمبر ء اَبدالستار جھمنند مشکے نوک آباد ءَ زانگ بیتگ اَنت۔ اھوالکار ءِ رد ءَ بیران بیتگیں ورنا پیری بیگاہ ءِ وھد ءَ بیگواہ بیتگ اَنت، مردمانی بازیں پَٹ ءُ پول کنگ ءَ دوشی آیانی تیرسپتیں لاش دزکپتگ اَنت۔ آیانی لاش پہ چار ءُ ٹپاس کنگ ءَ سراوان ءِ نادراھجاہ ءَ برگ بیتگ اَنت۔ بنشون ءِ رد ءَ اے کھول ءَ کساس دہ سال ءَ گیش اِنت کہ چہ رو درآتکی بلوچستان مشکے ءَ لَڈ ءُ بار اِش کرتگ ءُ روکپتی بلوچستان ءَ شُتگ ءُ جھمنند بیتگ اَنت۔ انگت آیانی کوش ءِ سوب زانگ نہ بیتگ۔