*مند: سلاہ بندیں مردماں پاکستانی لشکر ءی*
مند: پجار نہ بیتگیں سلاہ بندیں مردمانی پاکستانی لشکر ءِ آپ بروکیں کارمند ءُ پانگس ءِ سر ءَ اُرش کرتگ۔ 
اھوالکار ءِ رد ءَ مرچی ادار دہ ءَ سلاہ بندیں مردماں سِنگستان کنڈگ ءَ برجاھیں پاکستانی لشکر ءِ پانگس ءَ آپ بروکیں کارمندانی ءُ پانگس ءِ سر ءَ اُرش کرتگ۔ اُرش ءَ پاکستانی لشکر ءِ جانی تاوان ءِ گمان اِنت۔ اُرش ءَ پد سے جنگی بالگرد جنگجاہ ءَ آتکگ، لاش ءُ ٹپی بیتگیں کارمند برتگ اَنت۔
بنشون ءِ رد ءَ پاکستانی لشکر ءِ کارمند پہ پانگس ءَ مدام ھرانی سر ءَ شالو ءِ کور ءَ آپ ءَ رو اَنت۔ مرچی سلاہ بنداں پیسر ءَ سنگر گپتگ ءُ آپ بروکیں کارمندانی سر ءَ اُرش کرتگ۔ گوں وتکار ءُ مزنیں سلاھاں پانگس ھم نشانگ کرتگ۔ اُرش ءِ زمہ واری انگت ھچ گَل ءَنہ زرتگ۔