خضدار ( نامہ نگار) باغبانہ سمبان میں فائرنگ، متعدد افراد زخمی، احتجاجاً آر سی ڈی شاہراہ بلاک خضدار کے علاقے باغبانہ سمبان میں ذرائع کے مطابق نامعلوم مسلح افراد کی فائرنگ کے نتیجے میں متعدد افراد زخمی ہوگئے۔ واقعے کے بعد زخمیوں کے لواحقین اور مقامی افراد نے احتجاج کرتے ہوئے کراچی۔کوئٹہ آر سی ڈی شاہراہ کو ہر قسم کی ٹریفک کے لیے بند کر دیا، جس کے باعث دونوں جانب گاڑیوں کی لمبی قطاریں لگ گئیں اور مسافروں کو شدید مشکلات کا سامنا ہے۔ مقامی ذرائع کے مطابق احتجاج کے دوران انتظامیہ کی موجودگی نہ ہونے یا مؤثر ردِعمل سامنے نہ آنے پر شہریوں نے شدید تشویش کا اظہار کیا۔ مظاہرین کا مطالبہ ہے کہ واقعے میں ملوث عناصر کو فوری گرفتار کیا جائے، زخمیوں کو انصاف فراہم کیا جائے اور شاہراہ کو جلد از جلد ٹریفک کے لیے بحال کیا جائے۔
خبر ذرائع سے موصول ہونے والی ابتدائی اطلاعات پر مبنی ہے، مزید تفصیلات سامنے آنے پر خبر کو اپ ڈیٹ کیا جائے گا۔