اسلام آباد ( بلوچستان ٹوڈے ) جبری گمشدگی کے خلاف احتجاج کرنے والے لاپتہ بلوچ افراد کے اہلِ خانہ اور زیرِ حراست بلوچ یوتھ کونسل کے رہنماؤں کے اہلِ خانہ کا دھرنا آج 21ویں روز بھی جاری رہا۔
شدید گرمی اور تیز دھوپ کے باوجود ان افراد، جن میں بزرگ خواتین اور بچے بھی شامل ہیں، نے اپنا پرامن احتجاج جاری رکھا ہوا ہے۔ مظاہرین اپنے پیاروں کی بازیابی اور جبری گمشدگیوں کے خاتمے کا مطالبہ کر رہے ہیں۔
ذرائع کے مطابق احتجاج کرنے والوں کو اب تک کیمپ لگانے یا نیشنل پریس کلب کے سامنے منتقل ہونے کی اجازت نہیں دی گئی۔ سڑک جزوی طور پر بند ہے اور مظاہرین کو متبادل جگہ کی پیشکش بھی تاحال نہیں کی گئی۔
احتجاجی شرکاء کا کہنا ہے کہ وہ اپنے مطالبات کے حل تک پُرامن طور پر احتجاج جاری رکھیں گے۔