امریکہ(ویب ڈیسک) دنیا کے امیر ترین شخص ایلون مسک نے اعلان کیا ہے کہ وہ ایک نئی سیاسی جماعت "دی امریکہ پارٹی" تشکیل دے رہے ہیں۔ یہ اعلان انہوں نے اپنے سوشل میڈیا پلیٹ فارم X پر کیا، جہاں انہوں نے امریکی سیاسی نظام کو "ایک جماعتی" قرار دیا اور کہا کہ یہ جماعت عوام کو "آزادی واپس دلانے" کے لیے بنائی جا رہی ہے۔
مسک نے حالیہ دنوں میں صدر ٹرمپ کے ساتھ اختلافات کا اظہار کیا تھا، خصوصاً ایک متنازع گھریلو پالیسی بل پر، جسے انہوں نے “قابل نفرت” اور “ملکی معیشت کے لیے خطرناک” کہا۔
تاحال انہوں نے الیکشن کمیشن میں باضابطہ رجسٹریشن نہیں کروائی، تاہم ان کا کہنا ہے کہ ان کی جماعت 2026 کے انتخابات میں دو سے تین سینیٹ اور آٹھ سے دس کانگریس نشستوں پر امیدوار کھڑے کرے گی۔
تجزیہ کاروں کے مطابق نئی جماعت بنانا ایک مشکل کام ہوگا، لیکن مسک کی دولت اور اثر و رسوخ اسے ممکن بنا سکتے ہیں۔