مشکے، پانچ ماہ سے فورسز کے ہاتھوں جبری لاپتہ کریم جان کی لاش برآمد

 

آواران ( ویب ڈیسک )آواران کے تحصیل مشکے سے فورسز کے ہاتھوں جبری طور پر لاپتہ کیے گئے کریم جان ولد عظیم کی لاش برآمد ہوئی ہے، جنہیں فورسز نے حراست کے دوران تشدد کے بعد قتل کر دیا ہے ۔مقامی ذرائع کے مطابق، کریم جان کو 22 فروری 2025 کو پاکستانی فوج نے مشکے سے اپنے کیمپ بلا کر حراست میں لیا اور نامعلوم مقام پر منتقل کیا تھا، جس کے بعد وہ لاپتہ ہو گئے تھے۔   تاہم ہفتے کے روز ان کی لاش اہل خانہ حوالے کی گئی ہے۔یہ پہلا موقع نہیں تھا کہ کریم جان کو جبری طور پر لاپتہ کیا گیا ہو۔ اس سے قبل بھی انہیں 2023 میں فورسز نے حراست میں لیا تھا اور آٹھ ماہ تک شدید اذیت کا نشانہ بنانے کے بعد رہا کیا گیا تھا۔ اس بار وہ دوبارہ بازیاب نہ ہو سکے اور ماورائے عدالت قتل کا نشانہ بنے۔ 2025 کے آغاز سے اب تک صرف مشکے کے علاقے سے 20 سے زائد افراد  فورسز کے ہاتھوں جبری طور پر لاپتہ ہونے کے بعد ان کی لاشیں بعد ازاں مختلف اوقات میں برآمد ہوئے ہیں۔