کوئٹہ (مانیٹرنگ ڈیسک)مستونگ میں لک پاس کے مقام پر بلوچستان نیشنل پارٹی بی این پی کا دھرنا سترہویں روز بھی جاری ، دھرنے کے مقام پر پیر کو آل پارٹیز کانفرنس بلانے کا فیصلہ کیا گیا ہے،کانفرنس میں بلوچستان کی مجموعی صورتِ حال پر تبادلۂ خیال کیا جائے گا،پارٹی سربراہ سردار اختر مینگل کی قیادت میں دھرنے کے شرکاء کا مطالبہ ہے کہ ڈاکٹر ماہ رنگ بلوچ سمیت بلوچ یکجہتی کمیٹی کے تمام گرفتار خاتون کارکنوں کو رہا کیا جائے۔دوسری جانب صوبائی حکومت نے لک پاس کے قریب کوئٹہ کراچی شاہراہ کو کنٹینرز لگا کر بند کیا ہوا ہے۔جبکہ بلوچ قومی ننگ و ناموس لانگ مارچ کے دھرنے کے موقعے پر آج پارٹی کے قائد بلوچستان سردار اختر جان مینگل ،پارٹی کے مرکزی لیبر سیکرٹری موسی بلوچ ،سینٹرل ایگزیکٹو کمیٹی کے ممبر وضلعی صدر بی این پی کوئٹہ غلام نبی مری،کے بستی خیمہ کیمپ کے دورے کے موقعے پر ملاقات و گفتگو ہوا تھا اس موقعے پر پارٹی کے مرکزی کونسلر میر کاول خان مری ،گہرام خان مری،اور جمال لہڑی بھی موجود تھے ۔