قلات ( مانیٹرنگ ڈیسک ) بلوچ یکجہتی کمیٹی کے مرکزی ترجمان نے جاری بیان میں کہاہے کہ بلوچستان ضلع قلات کے مخلتف علاقوں میں چھاپوں کے دوران اشفاق ولد خدا بخش سمیت شہر بھر سے 35 افراد کے جبری گمشدگی کی اطلاعات ہیں ۔
انھوں نے کہا ہے کہ قلات شہر اور گردنواح میں ریاستی قہر برپا کیا گیا ہے،فورسز نے قلات شہر کو مکمل محاصر میں لیکر گھر گھر تلاشی کا سلسلہ جاری ہے ، گھروں پر چھاپے مارے جارہے ہیں اور اس دوران اب تک کی اطلاعات کے مطابق 35 سے زائد افراد جبری لاپتہ کیئے گئے ہیں۔
بی وائی سی کے بیان کے مطابق اشفاق احمد ولد خدا بخش جو کہ سوشل ورک ڈیاپرٹمنٹ پنجاب یونیورسٹی سے حال ہی میں فارغ التحصیل ہوئے ہیں انہیں انکے گھر سے چادر چاردیواری کے تقدس کو پامال کرتے ہوئے فورسز نے بھی لاپتہ کیا ہے، جبکہ گھر کے دیگر افراد بشمول شیر خوار بچوں کو تشدد کا نشانہ بنایا، قران پاک کی بے حرمتی کی گئی ہے اور خاندان میں خوف و ہراس پھیلانے کی غرض سے بلا وجہ فائرنگ کی گئی ہے۔
بیان میں کہا گیا کہ بلوچ یکجہتی کمیٹی اشفاق احمد ولد خدا بخش سمیت دیگر کی باحفاظت بازیابی کا مطالبہ کرتی ہے۔