سبی ،کیچ ( مانیٹرنگ ڈیسک ،نامہ نگاران) سبی تعمیراتی سائٹ پر بارودی سرنگ کا دھماکہ، دو افراد زخمی ،کیچ سامی میں فورسز کیمپ اور تمپ میں چوکی کو نشانہ بنایا گیا ۔
تفصیلات کے مطابق بلوچستان کے ضلع سبی کے علاقے مال گوریج میں تعمیراتی سائٹ پر بارودی سرنگ کے دھماکے میں دو افراد شدید زخمی ہوگئے ہیں۔
زخمیوں کو فوری طبی امداد کے لیے قریبی ہسپتال منتقل کیا گیا جہاں دونوں زخمیوں کی حالت تشویشناک بتائی جاتی ہے-
دھماکے کے بعد فورسز نے جائے وقوعہ پر پہنچ کر علاقے کو گھیرے میں لے لیا، مزید تحقیقات جاری ہے۔
علاوہ ازیں بلوچستان کے ضلع کیچ میں مسلح افراد نے گذشتہ شب سامی کے علاقے میں پاکستانی فورسز کے مرکزی کیمپ کو حملے میں نشانہ بنایا۔ حملے کے وقت علاقے میں شدید فائرنگ اور متعدد دھماکوں کی آواز سنی گئی۔
اس طرح کیچ تمپ کے علاقہ شیپچار اور اپسی کھن کے درمیان واقع فورسز چوکی کو مسلح افراد نے گذشتہ روز نشانہ بنایا ہے ۔
آخری اطلاع تک مزکورہ حملوں کی ذمہداریاں تاحال کسی مسلح تنظیم نے قبول نہیں کی ہے۔