بلوچستان کے علاقے قلات، مستونگ ، ہرنائی،بولان، چمالنگ سمیت کیچ کے مختلف علاقوں میں فوج کشی جاری ہے۔ مذکورہ علاقوں میں ہیلی کاپٹروں کی آمد و رفت دیکھی گئی ہے۔
اطلاعات کے مطابق ہرنائی میں فوجی ہیلی کاپٹروں کی آمد و رفت جاری ہے، زاوی، تنک، شرین، پھوڑ وڈھ اور شورو سمیت مختلف علاقے فوج کشی کی زد میں ہیں۔
اس طرح قلات و مستونگ کے علاقوں ناگاہو اور اسپلنجی میں بھی فوجی ہیلی کاپٹروں کو گشت کرتے دیکھا گیا ہے تاہم اس حوالے سے مزید تفصیلات آنا باقی ہے۔
علاوہ ازیں ضلع کیچ کے علاقے ہوشاپ تجابان اور گورکوپ میں بھی فوج کشی جاری ہے۔
علاقائی ذرائع کا کہنا ہے مذکورہ علاقوں میں بڑی تعداد میں فوجی اہلکار داخل ہوئے ہیں جبکہ مختلف مقامات پر فورسز نے ناکہ بندی کردی ہے اور پہاڑی سلسلے میں بھی فوجی اہلکاروں کو داخل ہوتے دیکھا گیا ہے۔
تاہم فوج کشی کے حوالے سے حکام کا موقف سامنے نہیں آیا ہے۔ ناہی دوران آپریشن تاحال کسی قسم کی گرفتاری و جانی نقصان کی اطلاعات موصول ہوئی ہیں۔