آواران بلوچستان لبریشن فرنٹ بی ایل ایف کے ترجمان میجر گہرام بلوچ نے جاری بیان میں کہاہے کہ سرمچاروں نے آواران کے علاقہ جھاؤ، سیڑ میں دشمن فوج کی پیدل گشتی ٹیم پر حملہ کیا ہے جس سے پانچ اہلکار ہلاک اور دو زخمی ہوئے ہیں۔
انھوں نے کہاہے کہ اتوار کی صبح گیارہ بجے کے قریب ہونے والے اس حملے میں جدید خودکار ہتھیاروں کا استعمال کیا گیا، جس میں دشمن فوج کے پانچ اہلکار موقع پر ہلاک جبکہ دو شدید زخمی ہوئے۔
ترجمان نے کہاہے کہ قابض پاکستانی فوج پر سرمچاروں کے یہ دلیرانہ حملے اتنے مہلک اور گراں گزر رہے ہیں کہ قابض فوج سرمچاروں کے حملوں کا غصہ عام آبادیوں پر مارٹر گولے اور تشدد کرکے نکال رہا ہے۔
تسلسل سے جاری بلوچ قومی آزادی کی جنگ نے دشمن فورسز کو شدید اعصابی اور نفسیاتی دباؤ سے دو چار کیا ہے۔ فوج مختلف جھڑپوں میں مارئے گئے اپنے سپاہیوں کی ہلاکت کو چھپا کر اپنی گرتی مورال کو چھپانے کی ناکام کوششیں کررہا ہے۔
علاوہ ازیں بی ایل ایف کے ترجمان میجر گہرام بلوچ نے جاری دوسرے بیان میں کہاہے کہ سرمچاروں نے کیچ کے مرکزی شہر تربت میں قابض دشمن کی چوکی کو بم حملے میں نشانہ بنایا ہے ۔
انھوں نے کہاہے کہ گذشتہ رات ساڑھے ساتھ بجے سنگانی سر تربت میں سائن بورڈ کے مقام پر قائم قاِبض دشمن کی چوکی پر سرمچاروں نے ہینڈگرینیڈ سے حملہ کیا، جس سے دشمن فوسز کو جانی و مالی نقصان کا سامنا کرنا پڑا ہے۔
بلوچستان لبریشن فرنٹ اس حملے کی زمہ داری قبول کرتی ہے اور بلوچستان کی مکمل آزادی تک سرمچاروں کے حملے شدت کے ساتھ جاری رہیں گے۔