ٹیکنالوجی کمپنی ایپل کی جانب سے آئی اوایس 17.1 کی اپ ڈیٹ متعارف کرائی گئی جس میں بگز کو حل کرنے کے ساتھ سیکیورٹی اپ ڈیٹ، ایئر ڈراپ، اسٹینڈ بائی اور ایپل میوزک کی اپ ڈیٹس شامل ہیں۔
دوسری جانب سماجی رابطے کے پلیٹ فارم پر صارفین نے نئی اپ ڈیٹ کے حوالے سے شکایات درج کرتے ہوئے بتایا کہ آپریٹنگ سسٹم کی تازہ ترین اپ ڈیٹ ان کی بیٹری تیزی سے ختم کر رہی ہے۔
ایک پوسٹ میں صارف نے لکھا کہ آئی اوایس 17.1 اپ ڈیٹ کے بعد ان کے آئی فون 13 کی بیٹری تیزی سے ختم ہورہی ہے۔
آئی فون 15 میں آئی اوایس 17.1 اپ ڈیٹ کے بعد ڈیوائس استعمال کیے بغیر بیٹری بہت تیزی سے ضائع ہو رہی ہے۔
صارفین نے شکایتی پیغام میں لکھا کہ ان کا نیا آئی فون خراب ہو رہا ہے، ہر 7 منٹ میں ایک فیصد بیٹری ضائع ہو رہی ہے، اس مسئلے کو حل کیا جائے اس سے پہلے کمپنی اپنے گاہک کھو دے۔