بلوچ یکجہتی کمیٹی (کراچی) کے ترجمان کے مطابق سمی دین بلوچ کی ہمراہی میں ان کے والد لاپتہ ڈاکٹر دین محمد بلوچ کی جبری گمشدگی کو 14 سال کا طویل عرصہ مکمل ہونے اور ان کے ساتھ دیگر تمام بلوچ جبری لاپتہ افراد کی بازیابی کے مطالبے کے غرض سے عیدالاضحیٰ کے پہلے دن کراچی میں ایک عظیم الشان ریلی (Grand Rally) کے انعقاد کا اعلان کرتی ہے۔
انھوں نے کہاہے کہ بی وائی سی کراچی تمام لاپتہ افراد فیملیز سے درخواست کرتی ہے کہ وہ آئیں اس ریلی میں شریک ہوں اور اپنے پیاروں کی بازیابی کے لئے آواز اٹھائیں، اس سے پہلے کہ کہیں دیر نہ ہوجائے اور ان کی خاموشی ان کے پیاروں کے مسخ شدہ لاشوں کی صورت میں جس طرح پہلے ملتی آئی ہیں آئندہ بھی اسی طرح سے ملینگے، اس لئے آئیں اپنے پیاروں کی بازیابی کے لئے آواز اٹھائیں یہی وہ ایک واحد راستہ ہے۔
ترجمان نے ایک بار تمام مکاتبِ فکر کے لوگوں سے شرکت کی اپیل کی ہے۔