شمالی امریکا کے ملک میکسیکو میں ایک شخص نے سوئمنگ پول پر فائرنگ کرکے 7 افراد کو ہلاک کردیا۔ عینی شاہدین کا کہنا ہے کہ مسلح شخص سوئمنگ پول کے پاس آیا اورفائر کھول دیا، حملہ آور نے قریب موجود دکانوں میں بھی توڑ پھوڑ کی اور سوئمنگ پول کے سکیورٹی کیمروں اور مانیٹرکو بھی نقصان پہنچایا۔
پولیس کے مطابق واقعے کی اطلاع ملنے پر ٹیم جائے وقوعہ پہنچی تو سوئمنگ پول خون کے باعث سرخ تھا، 7 افراد کی لاشیں سوئمنگ پول کے پاس موجود تھیں جبکہ ایک زخمی شخص بھی ملا جسے تشویشناک حالت میں اسپتال منتقل کردیا گیا۔ پولیس کی جانب سے ملزم کی تلاش شروع کردی گئی ہے۔